Adat
Peudong hukom deungon adat
Kong adat adee raja
Matee aneuk meupat jeurat
Gadoh adat hana pat tamita
Adat raja bakna rakyat
Adat meukat dong bak ria
Adat panglima bakna teukaboe
Adat kanto meutuleh baca
Tatijiek bakna tangke
Tagule bakna sagoe
Goh tapubuet awai tapike
Bek malee bak uroe dudoe
Panyang patah leuhue reubah
Manyang talhob, meuyub ta langkah
Raja adee raja ta seumah
Raja jahe raja tabantah
Adat umong meubak ateung
Adat ureung meupetua
Adat pague bakna beunteung
Bak babah lhueng bakna runja
Hukom lillah sumpah bek
Hukom adat ikat bek
Hukom adee pakee bek
Hukom meujroh mupoh bek
Adat meukong reubong
Hukom meukoh purieh
Adat barang gapat jiet takhong
Hukom barang gapat hanjeut takieh
Adat bak po teu meureuhom
Hukom bak syiah kuala
Kanun bak putroe phang
Reusam bak lakseumana
Umong meuateng
Ureung meupeutua
Rumoh meuadat
Pukat meukaja
Pantang peudeng meulinteng sarong
Pantang rincong meubalek mata
Pantang ureung diteuoh kawom
Pantang hukom ta pejeut peukara
Pantang bajee meubalek takue
Pantang silluewe me balek suja
Pantang inong meulakee bak madu
Pantang tengku hana jeut aleh ba
Leumoh tanoh keubeu meukubang
Leumoh geudubang di gob panglima
Leumoh nanggroe sabee dalam prang
Leumoh parang beuso tan meulila
Leumoh hukom di atoe le pangkat
Leumoh adat jahee raja
Leumoh kanun tinggai bak kalam
Leumoh reusam gadoh budaya
Meugah bak ureung meupangkat
Adat bak ureung kaya
Do'a bak ureung gasien
Ceukien bak ureung papa
Rampak langet karena bintang
Rampak blang get seumula
Rampak kayee seubab lhee cabeung
Rampak ureung ramee syedara
Tameutani bakna saba
Ta ibadat tameujaga
Tameukat tamita laba
Tahudep bakna usaha
Keumeung keu seunang ta peuget rumoh
Keumeung keu mehmoh meukawen dua
Keumeung keu kaya tajak ceumatok
Keumeung keu krek krok ta meuniaga
Laen tajok laen ta pueblo
Bandum geutanyo bak tapeu beda
Meunyo tajok han jiet barang gasoe
Meunyo
tapeubloe bandum sama
Kada Ureung
Ureung
perintah yang atoe but
Ureung tuha
peut peuputoh haba
Ureung kaya
pinti beuteuhah
Ureung jroh
lidah yang peugah haba
Ureung malem
peulemah peungeuh
Ureung
ceubeuh yang teung bela
Ureung
carong teumpat teumanyong
Ureung inong
bak reumoh tangga
Ureung
gasien tempat tameuyue
Ureung batue
han sakon guna
Peneuduek
Yang utoh ta
yu cemeulak
Yang lisek
ta yu keunira
Yang baca
tayu ek kayee
Yang dunge
yue jaga kuta
Yang beo
tayu keumeumit
Yang meugrit
tayu meumita
Yang malem
tayu beut kitab
Yang bansat
yu rabee guda
Yang bagah
tayu seumejak
Yang bijak
yu peugah haba
Ileumee lam
ulee
Maklum lam
hate
Maklumat ka
lahee
Meureuhom ka
matee
Bek
Bak ie rajok
bek tatheun ampeh
Bak ie tireh
bek tatheun bubee
Bek
tameungon deungon si paleh
Hareuta
habeh geutanyo malee
Bek
peukeupok padee tan asoe
Bek boh
tajoe bak manok patah
Bek tabaloh
pukat tan taloe
Bek reugam
jaroe bak buloh beukah
Bak si buta
bek yue beut kitab
Bak si
bangsat bek yue meudo'a
Bak musoh
bek lakee bantu
Bak madu bek
lakee peunawa
Bek talet
gajah ka u glee
Bek tik
kawee dalam ie tuba
Bek tob
galah bak tanoh cayee
Bak kayee
matee bek tatak tanda
Bak rang
patah bek tapeh binteh
Bak beulhong
tireh bek talheung tika
Buet lam
pakat hate beukaleh
Bek arang
habeh beuso han pija
Sansui
beuneung puwo bak ilang
Aneuk manyak
moe puwo bak nang
Bek
meteudong bak on jeulatang
Diteuka
gatai ban saboh badan
Bek peusaban
kai ngon aree
Bek peusaban
naleh ngon gunca
Barang gapeu
buet bek teumiree
Bak meuguree
jiet sempurna
Peudong
rumoh di ateuh sandi
Peugot titi
bak na peunumat
Buet lam
pakat bek roh meungki
Awai ta
janji akhee ta seulamat
Bek ta pula
trieng meuduro dilikot rumoh
Meunyoe
tacah bagah timoh
Meunyoe
takueh bungka tanoh
Meunyo
tatoet tutoeng rumoh
Bek meuhaba
bak ureung tuloe
Bek
peuceudah droe bak ureung buta
Ta ceutit
kulet saket lam asoe
Salah
keudroe han ta cici rasa
Meunyoe tan
ileume hukom han putoh
Meunyoe han
peng maksud han troh
Meunyo tan
akai binasa tuboh
Meunyo tan
useuha reuziki pih jioh
Tayue aneuk
buta siblah
Tayue teumon
buta dua blah
Tapubuet
sidro baro sah
Tajak
keudroe baro bagah
Meunyo
carong tapeulaku
Boh labu
jeut keu sri kaya
Meunyo hana
carong ta peulaku
Aneuk teungku
jeut ke beulaga
Meunyo
tamarit ngon ureung bingong
Keunong han
keunong dipeutimang haba
Meunyo
tamarit bak ureung cereudak
Lagee
tapeutek beuneng bak bara
Salah cok ta
pulang, salah jalan ta gisa
Tameupakee
alang, tameuprang papa
Meunyo ka 'o
ta peukeubit
Meunyo
takuek tente na takib
Meunyoe
tanging teunte na taklip
Meunyo na
raya teunte na ubit
Mantong di
reubong jiet ta peukiwing
Oh jiet keu
trieng han jiet taputa
Tamsee
inseun diwa le pacat
Meunyo kon
keumeukap keupeu dijakwa
Penghulee
amai shalat
Penghulee
hareukat meugo
Bek tacok
sileuwe ke tengkulok
Bahle brok
brok leubeh get ija
Meunyo na
patah bara meunasah
Taganto
bagah ngon kayee ulien
Atra yang
kana beugot ta papah
Leupah that
susah tamita laen
Ingat
Peuingat
Setia paleh,
geunaseh papa
Gaseh saying
bek habeh habeh
Tapileh-pileh
takira-kira
Meunyo get
dalam hate
Lahee bak ie
rupa
Meunyo brok
dalam hate
Lahee bak
peugah haba
Meunyoe get
niet deungon hasrat
Laot darat
Tuhan peulara
Malem nahu
lhee beurakah
Malem fiqah
lhee meudakwa
Hana teupeu
ileume fiqah
Gepeugah
yang jahe jahe
Hana teupeu
ileumee tauhid
Gepeukebit
haba kaphe
Hana teupe
ileumee tasauf
Geupajoh
bangke bangke
Gepeuna utak
geuyu seumikee
Gepeuna hate
geuyu peurasa
Padup na ek
gop peugah sabee
Leubeh
meusampe ingat lam dada
Peulara mie
mangat drop tikoh
Peulara asee
mangat geudroh
Peulara
musang manok geupajoh
Peulara
ureung jeut ke musoh
Hak blo
breuh bek blo bajee
Hak bloe
gulee bek tabloe ija
Peuteubit
beulanja atoe beutente
Bek tiep
watee sabee lam papa
Bek tamse
asap yang mita manyang
Siat
meulayang gadoh di mata
Bah lagee
reudoh yang mita baroh
Siat hujeun
troh ie raya teuka
Meunyo ta
pateh peu ken kitab
U tapee kap
han ta teume rasa
Meunyo han
ta pateh peu keun kitab
Jiet
keubangsat siumu masa
Dua kali
limong sikureung
Dalam
reuweung na sa
Bloe siploh
peubloe sikureung
Dalam
ruweung na laba
Hana peu
lhee ta hareukat
Asai bek
lhee ta peuteubit
Hana peu
lhee ta ibadat
Asai bek
sagai pu buet maksiat
Geunaseh
keubee bak wue tubee
Geunaseh
asee tajok u muda
Geunaseh
leumo bak raga naleung
Geunaseh
ureung tajok rupiah
Meuleuha
langai watee me'ue blang
Meuleuha
parang watee cah paya
Meuleuha
pa'I watee nanggroe prang
Meuleuha
pawing dalam glee raya
Cilaka rumoh
hana tampong
Cilaka
gampong rumoh hana sapat
Cilaka wareh
hantem kunjong munjong
Cilaka
untong hana hareukat
Awwalu
kutubi'at
Pat yang pon
nyan yang mangat
Lazat lazem
kayem biasa
Meunyo na
hasat teuntee na masyrud
Meunyo na
hasraat teuntee na maksud
Seubab
Akibat
Kayee kriet,
malem maksiet
Teumbon
meuarit, pijuet meuapit
Jeumot
meugrit, be'o seuit
Meuyub
meureh-reh, manyang meulip-lip
Let let
kadilet dilhoe
Oh lheuh
dilhoe hate jih saket
Tameget get
sabee keudro dro
Oh uroe dudo
hana meupalet
Paleh
Paleh raja
geupeucaya barang gasoe
Paleh rakyat
dimeupat rata sagoe
Paleh tuha
rasa rasa mantong gigoe
Paleh muda
peulemah teuga bak buet rugoe
Paleh umong
cot teungoh geuboh asoe
Paleh inong geutemanyong
ban wo lakoe
Paleh agam
sipat kuah bileung asoe
Paleh tingku
lagee geunuku hana gigoe
Paleh dara
meuraba raba malam uroe
Paleh waki
lagee kiki han duroe
Paleh agam
geumerantam narit kutoe
Paleh
makdong geutampong watee cucuo moe
Paleh tuha
geuboh tungkat
Paleh tukang
geuboh seunipat
Paleh tingku
geuboh ayat
Paleh meukat
geuboh keunira
Paleh
geuchik lagee boh pik hana sagoe
Paleh tingku
peulemah beuhe watee peurunoe
Paleh kaya
hana kira laba rugoe
Paleh garang
watee meuprang hana bakoe
Paleh raja
geuboh keurajen
Aleh ureung
diboh bangsa
Paleh sagoe
meulehop gampong
Paleh jurong
hana petua
Paleh inong
hana lakoe
Paleh
nanggroe zalem raja
1 komentar:
Coin Casino | CasinoWho won't?
Coin Casino.com is a reputable online casino with top quality online slots and many bonuses. Learn everything about this gaming หารายได้เสริม authority.What kadangpintar Is Coin Casino?Who Is Coin 인카지노 Casino Safe?
Posting Komentar